Thursday, March 24, 2011

ഞങ്ങളുടെ വലിയ പിഴ




അതെ സർ. ഇന്നു നിങ്ങൾ കാണുന്ന ഇന്ത്യ, സത്യമായിട്ടും, ഇങ്ങനെയൊന്നുമാകേണ്ടിയിരുന്ന ഒരു രാജ്യമല്ല. സാറു ചോദിച്ചില്ലേ എന്താ ഞങ്ങളുടെ വളർച്ചാനിരക്ക് ഇങ്ങനെ അധപ്പതിച്ചതെന്ന്? തിരുവുള്ളക്കേടു തോന്നരുത് അങ്ങുന്നേ. ഇന്നു ഞങ്ങളുടെ വളർച്ചാ നിരക്ക് രണ്ടക്കത്തിനു താഴെയാണെങ്കിൽ, അത് ഞങ്ങളുടെ ഈ അഖണ്ഡഭാരതത്തിന്റെ കുഴപ്പമാണ്‌. പടിഞ്ഞാറും ദക്ഷിണവും മാത്രമുള്ള ഒരു ഇന്ത്യയായിരുന്നെങ്കിൽ, ഞങ്ങളുടെ വളർച്ചാ നിരക്ക് എവിടെ എത്തിയേനേ എന്ന് വല്ല നിശ്ചയവുമുണ്ടോ സർ... സത്യമായിട്ടും സർ..

 ഈ നശിച്ച ഉത്തര-മദ്ധ്യ-പൂർവ്വ സംസ്ഥാനങ്ങൾ, അവയാണ്‌ ഞങ്ങളുടെ ഇന്നത്തെ ദു:സ്ഥിതിക്ക് കാരണം. ഇതൊനൊക്കെ ആ പട്ടേലിനെയും, നെഹ്രുവിനെയും, പിന്നെ ആ പങ്കുണ്ണിമേനോനെയും പറഞ്ഞാൽ മതി.

എന്തായിരുന്നു അവന്മാരുടെ ഒരു അത്യാഗ്രഹം. അങ്ങോട്ടും ഇങ്ങോട്ടും പാരവെക്കുന്ന കുറേ മാടമ്പികളായിരുന്നവരെ ഒക്കെ കൂട്ടിപ്പിടിച്ച്, അനുനയിപ്പിച്ചും, ഭീഷണിപ്പെടുത്തിയും, ചന്തിക്ക് ചുട്ട പെട കൊടുത്തും ഇന്നു കാണുന്ന ഒന്നിനും കൊള്ളാത്ത ഒരു രാജ്യമാക്കിയത് ആ പഹയന്മാരാണ്‌.

അല്ലെങ്കിൽ ആ ഫിസോയെപ്പോലെയുള്ള നാഗന്മാരെയൊക്കെ ബോധമുള്ള ആരെങ്കിലും കൂടെനിർത്തുമായിരുന്നോ? അവനെയൊക്കെ അന്നേ അവന്റെ പാട്ടിനുവിട്ടിരുന്നെങ്കിൽ ശല്യക്കാരായ ആ പഴയ NEFA ക്കാരെ മുഴുവൻ ഒറ്റയടിക്ക് ചൈനക്കോ ബർമ്മക്കോ കൊടുത്ത് കയ്യും കെട്ടി സുഖമായി ഇരിക്കാമായിരുന്നില്ലേ? കൊല്ലങ്ങളായി പട്ടിണികിടക്കുന്ന ആ അറുവാണിച്ചികളെയും, പാവപ്പെട്ട ആദിവാസി-ഗോത്രവർഗ്ഗക്കാരെആയുധമെടുപ്പിക്കുന്ന ആ കള്ളവൈദ്യപ്പരിഷകളെയുമൊക്കെ ഒറ്റയടിക്ക് ഒതുക്കി ഞങ്ങൾ ഈ രാജ്യത്തെ സ്വർഗ്ഗമാക്കിയേനേ..സർ വിഷമിക്കണ്ട..ഞങ്ങളുടെ കലിപ്പ് തീർക്കാൻ ഞങ്ങൾക്ക് നന്നായറിയാം. ശല്യക്കാരെയൊക്കെ പതുക്കെപ്പതുക്കെ ഞങ്ങൾ ഒതുക്കുന്നുണ്ട്. ഇന്നലെ മാത്രം മൂന്നു ഗ്രാമങ്ങളെയാണ്‌ ഞങ്ങൾ നല്ലൊരു പാഠം പഠിപ്പിച്ചത്. ചുട്ടുകളഞ്ഞു ഞങ്ങൾ..വെറുതെയല്ല സാൽവാ ജുദൂമിനെയൊക്കെ ഞങ്ങൾ തീറ്റിപ്പോറ്റുന്നത്? ഞങ്ങളോടാ കളി?

ഇക്കാണുന്ന ആ മുംബയിലും ഗുജറാത്തിലും, എന്റെ പാണ്ടിനാട്ടിലും, അത്യാവശ്യമാണെങ്കിൽ മാത്രം ആ കേരനാട്ടിലും കന്നടനാട്ടിലും മാത്രമായി ഈ മഹാരാജ്യം ഒതുങ്ങിയിരുന്നെങ്ങിൽ സ്വർഗ്ഗമാകുമായിരുന്നില്ലേ ഈ രാജ്യം..സ്വർഗ്ഗം..

എന്തു ചെയ്യാം...ആ നശിച്ച കാശ്മീരിനെയും, ഉത്തരപ്രദേശത്തെയും, കാട്ടുകള്ളന്മാരുടെ ബീഹാറിനെയും ഝാർഖണ്ടിനെയും, നസ്രാണികളെക്കൊണ്ട് സ്വൈര്യം കിട്ടാത്ത ഒറീസ്സയെയും, മുഷ്ക്കന്മാരുടെ ബംഗാളിനെയും, ഹരിയാനയെയും, ചൊമപ്പന്മാരുടെ ബംഗാളിനെയും,സർവ്വഭൂലോകർക്കും ചിരിക്കാൻ മാത്രം വകനല്കുന്ന നൊസ്സൻ സർദാർജികളെയുമൊക്കെ തലയിലേറ്റാനാണ്‌ ഞങ്ങളുടെ വിധി.

ഒന്നും പറയണ്ട..എല്ലാം നശിച്ചു, അങ്ങുന്നേ..എല്ലാം നശിച്ചു.

6 comments:

Rajeeve Chelanat said...

ഞങ്ങളുടെ വലിയ പിഴ...

Suseelan said...

അവിടെങ്ങാനും വോട്ടറ്‍ ആയാല്‍ മതിയായിരുന്നു മക്കള്‍ക്കു ലാപ്‌ ടോപ്‌ , വീട്ടില്‍ ഗ്രൈന്‍ഡറ്‍ മിക്സി കഴിഞ്ഞ തവണ ടീ വി ഇവിടെ ആകെ ഒന്നര രൂപക്കു വേവാത്ത അരി അതും റേഷന്‍ കടയില്‍ പോയി നിന്നു വാങ്ങിക്കോണം അപ്പോള്‍ തമിഴ്നാടല്ലേ നല്ലത്‌?

Anonymous said...

This is exactly the thought of a marxist like chelanaTTu.He really want a major part of India taken over by China. I have heard that when Hitler and Stalin were friends, two brothers in Keral said,...one of us learn Russian and the other German and we will become secrataries of either a hitler ruled India or a Stalin ruled India!
Chelanaattu, is saying his mindset, and trying to ascribe it to someone else.
The worst words in a language are meant for such dirty men.

prasanna raghavan said...

Is it not the typical mentality of every political leader/administrator in India?

Only the situations, and the target population change. Also it can be projected forward and backward or in any direction.

Now come to an individual in a community, she is also wishing the same. I am better off if I avoid or destroy others, the less capable and the less classy. And who are the best and the capable? Those who are linked with the best breeders of the nation :)And who are these best breeders? before they belonged to the upper races but now a few capital owners are also added to the list?

മാരാര്‍ said...

അനോണി കമന്റ് വായിച്ചു ചിരിച്ചു പോയി.ഇവന്റെയൊക്കെ തലേല്‍ എന്താന്നാര്‍ക്കറിയാം.

പോസ്റ്റെഴുതിയ രാജീവ് ചേലനാട്ട് ഇപ്പം ആരായി ?

പി. ശിവപ്രസാദ്‌ / മൈനാഗന്‍ said...

എഴുതിയ വിഷയത്തിന്റെ വാലും തലയും തിരിയാതെ ഒരു മാതിരി ***** വിശകലനപ്രഭാഷണം നടത്തുന്ന അനോണികൾക്ക് വംശനാശം വരാതിരിക്കാൻ പ്രത്യാശിക്കാം. രാജീവ് പറയേണ്ടത് തന്നെയാണ് പറഞ്ഞത്. അതിൽ കൊമ്പ് വിറപ്പിക്കാനുള്ള കാര്യമൊന്നുമില്ല.